في تدوينة نشرها على صفحته الخاصة على فايسبوك ،أكد عزيز الخويلدي إبن شكيب الخويلدي المعلق الرياضي للقناة الوطنية الأولى ، أن والده تعرض لوعكة صحية بسبب الاتهامات الباطلة وحملة التنمر التي تعرض لها عبر مواقع التواصل الاجتماعي، خلال تعليقه على مباراة النادي الإفريقي والاتحاد المنستيري.
وفي ما يلي نص التدوينة:
وقتلي انسان يشوف حاجة ولا يسمع حكاية، مش غالط كان يستنى توضيح ولا تفسير من صاحب الشأن.
شكيب الخويلدي الي تسبو فيه مريض بالسكر و اهاوكا توا ربي يعلم بحالو في جرة كلامكم وشركم ونفاقكم واتهاماتكم بالباطل وان شاء الله بركا يقوم منها لاباس.
الشعب لكل توا ولا ما يشربش وما عندوش مع الbirra ؟؟ مصدومين برشا ؟؟ ما قلقتكمش الbirra كي تشوفوا فيها في المسلسلات في رمضان ؟؟ فنانين amis معايا يبارطاجيو على الفايسبوك ويسبو في بابا ويتمقعرو عليه وانا بعينيا نشوف فيهم سكرانين خيط باش يموتو ومنغير ما نسميهم هوما يعرفو رواحهم وقتلي يركزو في الدبابز قدامي ولا تحبوا نهبطلكم التصاور؟ واذا باش ندخلو في التفاصيل، المباراة علق عليها بابا من مقر التلفزة الوطنية، هل يعقل انو دخّل معاه الشراب ؟؟؟ ويني الادارة ؟؟؟ ما شافوا حد ؟؟؟ نوريكم دبابز الbirra sans alcool في الفريجيدار متاع دارنا ؟؟؟ حسبي الله ونعم الوكيل.