روز 🌾🌾 أزعر بالفاكية والدجاج المحمّر ممممممم بنّة من وراء العقل 😋
وهذه طريقتي :
انغليو افخاذ الدجاج في ماء مفوح بكركم، ملح،فلفل أكحل، أكليل،رند ،زعتر اكليل شوية برك ،زنجبيل كان متوفر وشوي موتارد،( بابريكا كان تحبو محرحر شوية اختياري) بالطبيعة نطفيو عليه قبل ما يطيب شوية خاطر باش انصوتيوه بعد وانحبو منظرو يقعد متماسك ومزيان،
انحطو صحفة روز في كاسارونة مع مغرفة زبدة وشوية بصل كركم رند وحبات الهيل فوق الڨاز على نار متوسطة مدة اربع أو خمس دقائق ثم انصبو عليه بنفس الصحفة صحفتين و نصف ماء ، وانحركوه و انخليوه على نار هادية يغلي لين يشرب ماه
من ناحية أخرى في مقلى فيها مغرفة زبدة و مغرفة زيت نرميو أفخاذ الدجاج يصوتيو مع التحريك للحظات حتى يحمر ونخرجه ثم نرمي الفاكية في نفس المقلى و انحركها لين تاخو اللون الذهبي ونطفيو النار
والزينة كيما تحب😘🌾🌾🌾
