أطلق اللّاعب السّابق للنّادي الرياضي الصفاقسي محمود بن صالح هذه اللّيلة نداء استغاثة من المملكة العربية السّعودية عبر تدوينة نشرها على حسابه على الفايسبوك. وقد أبدى بن صالح من خلال هذه التّدوينة رغبته الملحّة في العودة إلى أرض الوطن خاصّة وأنّ والدته تعاني من المرض وهو متخوّف من أن يحصل لها مكروه وهو خارج الحدود. اللّاعب محمود بن صالح انتقد بشدّة الجهات الرّسمية التي اتّهمها بعدم الاكتراث بالتوّنسيّين العالقين بالمملكة العربية السّعودية والذين يرغبون في العودة إلى وطنهم. في ما يلي ما جاء في تدوينة اللّاعب محمود بن صالح الذي ينشط حاليّا ضمن نادي البكيرية بالمملكة العربية السّعودية: يا رئيس الدولة يا رئيس الحكومة يا نواب يا شعب يا ناس حسو بينا رانا توانسة رانا من حقنا كتوانسة باش نطالبوكم باش تروحوا بينا في اقرب وقت راهو
كل واحد عندو ظروفو راني نحكي على روحي عندي أمي تمر بحالة صحية صعيبة ياسر ومن المفروض راني متواجد معاها كيفاش تحبونا نحسوا بروح المواطنة و نحبوها البلاد وأحنا كجالية تونسية في الخارج ماكمش قادرين توفرولنا أبسط حقوقنا باش نروحو لعائلاتنا ونحنا مستعدين ندفعو فلوس الطيارة و نقومو بالحجر الصحي بدون قيد أو شرط. لا قدر الله أمي تصيرلها حاجة وأنا منيش بحذاها وأنتم كنتم سبب أقسم بالله العلي العظيم لما تقعد وصمة عار على الدولة ولاني باش نسامح أي واحد فيكم قدام أحكم الحاكمين. تحبو بالسيف تقتلو فينا حس المواطنة و حب الدولة اللي مارينا منها حتى شيء في الغصرة هذي. كان جات دولة بالرسمي راني توا كملت الحجر الصحي متاعي وقاعد بحذا أميمتي المريضة موش مسكر على روحي بيبان الدار في الغربة و نتبع في الأخبار من بعيد. حسو بينا راكم كرهتونا في ارواحنا و في بلادنا."